أهملتنى

أهملتنى

اهملتنى... حتى
السؤال عنى اختفى
كأنى ما كنت الدوا
لا بلسم ايام الوفا
لاسلسبيل منو ارتويت
لا دوزنة ساعة صفا

والوردة لو فاتا الربيع
هبت عليها العاصفة
والريدة لو فقدت حنان
نسقيها من وين عاطفة
اهملتنى وسبت الحروف
الجاتنى منك الاطفا
عساها تتلطف تقول
الكان خلاص رايق صِِفا

اهملتنى .......
واصبحت ما بترسل عتاب
وكأنى ما كنت الحبيب
البيهو ليل الوحدة طاب
يا هدأة العمر اللِفات
وسكون ليالى الاغتراب
ولحظات سعادة فقدتها
يا حسرة ديل كانن قُراب
كل الامانى العشتها فى
غفلة بس صارت سراب